سوربھ بھاردواج نے کہا کہ گذشتہ دو برسوں کے دوران ایک خاص طبقہ کے 500 افراد کا قتل ہوگیا ہے اور ریاستی حکومت تماشائی بنی رہی۔
عام آدمی پارٹی کے رہنما نے الزام لگایا ہے کہ ریاست میں جرائم کے معاملات میں مسلسل اضافہ ہو رہا ہے۔
عام آدمی پارٹی کے ترجمان نے مزید الزام عائد کرتے ہوئے کہا کہ جو لوگ گزشتہ دو برسوں میں مارے گئے ہیں، ان کا تعلق پسماندہ طبقہ سے ہے۔
ریاست اترپردیش کے ضلع لکھیم پور کھیری میں سابق رکن اسمبلی نریندر کمار مشرا کے مبینہ قتل سوربھ بھاردواج نے ریاستی حکومت سے سوال کیا ہے کہ کیا ریاست میں امن و امان موجود ہے؟
بھاردواج نے کہا کہ نریندر کا بیٹا شدید زخمی ہے اور میں ان کی جلد صحتیابی کی دعا کرتا ہوں۔
یہ بھی پڑھیے: تنخواہ نہ ملنے پر اسکول اسٹاف نے منیش سسودیا سے شکایت کی
انھوں نے کہا کہ ملزم کے خلاف سخت کارروائی ہونی چاہئے تاکہ لوگوں کا قانون پر اعتماد بحال ہو سکے۔
بھاردواج نے مزید کہا کہ یوپی حکومت کو ان پولیس اہلکاروں کے خلاف بھی کارروائی کرنا چاہئے جو لکھیم پور کھیری میں امن و امان قائم کرنے کے ناکام ثابت ہو گئے ہیں۔
