بھارتی فضائیہ کے لیے پانچ رافیل طیاروں کی پہلی کھیپ گذشتہ جولائی میں ہی بھارت آگئی تھی۔ فضائیہ کی جانب سے آج سرکاری طور پر توثیق کی گئی ہے کہ ان طیاروں کو 10 ستمبر کو انبالہ فضائیہ اسٹیشن میں، فضائیہ میں رسمی طور پر شامل کیا جائے گا۔
وزیر دفاع راج ناتھ سنگھ اور فرانسیسی وزیر دفاع فرلورینس پارلے بھی اس موقع پر ہریانہ کے انبالہ میں واقع فضائیہ اسٹیشن میں موجود ہوں گے۔
حکومت کے پاس کسی بھی بحران کا حل نہیں: راہل
رافیل، فضائیہ کے جنگی طیاروں کے بیڑے کی شان بنے گا
فضائیہ نے 59 ہزار کروڑ روپیے کی لاگت سے فرانس سے 36 رافیل جنگی طیارہ خریدنے کا سودا کیا ہے۔ ان میں سے پانچ طیارے گذشتہ 29 جولائی کو بھارت آئے تھے اور چار طیاروں کی اگلی کھیپ کے اکتوبر میں آنے کا امکان ہے۔
پاکستان اور چین کی سرحد پر ایک ساتھ دو محاذوں پر مہم کے لیے فضائیہ کے پاس رافیل جیسے طیارے کی بے حد سخت ضرورت بتائی جا رہی ہے۔ فضائیہ میں جنگی طیاروں کے اسکویڈرنوں کی منظوری کی تعداد 42 ہے۔ لیکن گذشتہ برسوں میں اس میں اچھی خاصی کمی آئی ہے۔
