دراصل پیر کو افغانستان سفارتخانے نے ٹویٹ کرتے ہوئے بتایا کہ 'انڈیا ٹریڈ پروموشن آرگنائزیشن (آئی ٹی پی او) نے 39 ویں بھارت بین الاقوامی تجارتی میلے میں بطور شراکت دار ملک کی شمولیت کی تصدیق کی ہے۔'
افغان سفارت خانہ نے اس سلسلے میں کہا کہ 'مبارکباد، افغان سفارتخانے کی طرف سے سلسلہ وار مذاکرات کے بعد آخر کار انڈیا ٹریڈ پروموشن آرگنائزیشن نے 39 ویں ہندوستان بین الاقوامی تجارتی میلے میں" شراکت دار ملک "کے طور پر افغانستان کی شرکت کی تصدیق کر دی ہے۔'
سفارتخانے نے کہا کہ ' حصہ لینے والے 19 ممالک میں افغانستان کو شراکت دار ملک کا درجہ متعدد مراعات فراہم کرے گا۔ آئی آئی ٹی ایف میں تمام تشہیراتی مواد، ہورڈنگز وغیرہ میں 'شراکت دار ملک' کے طور پر تسلیم کیا جائے گا۔'
افغان سفارتخانے نے کہا کہ 'دیگر مراعات میں، ملک کے ایک نمائندے افتتاحی اور اختتامی تقاریب کے موقع پر اسٹیج کا اشتراک کرنا، ثقافتی کارکردگی کے لئے تھیٹر کا اعزازی استعمال، اختتامی تقریب میں دیئے جانے والا ایک میمورنٹو اور آئی آئی ٹی ایف کے لئے جیوری پینل میں ایک نمائندے کی شمولیت اور بھی دیگر مراعات شامل ہیں۔'
آئی آئی ٹی ایف کا انعقاد 14-27 نومبر تک پرگتی میدان، نئی دہلی میں کیا جارہا ہے۔
