ملک میں تیار برہموس سپرسونک کروز میزائل کا آج کامیاب تجربہ کیا گیا۔ کامیاب ٹسٹ میں شامل سائنس دانوں کی ٹیم کو مبارکباد پیش کرتے ہوئے ڈی آر ڈی او کے چیرمین ڈاکٹر جی ستیش ریڈی نے سپرسونک کروز مزائیل میں ’دیسی ٹیکنک‘ کے استعمال پر فخر کا اظہار کیا۔
یہ ٹسٹ دفاعی تحقیق و ترقی کی تنظیم (ڈی آرڈی او) نے پی جے۔100 کے تحت منصوبہ کے تحت کیا گی جس میں خالص دیسی ٹیکنک کا استعمال کیا گیا۔
برہموس سپرسونک کروز میزائل کا آج اوڈیشہ کی چاندی پور ٹسٹ رینج سے کامیاب تجربہ کیا گیا۔ مزائیل کے توسیعی رینج کے تحت نئے ورژن کی آزمائش کے طور پر ٹسٹ کیا گیا جس میں دیسی ساختہ ایرفریم اور بوسٹر کا استعمال کیا گیا ہے۔
برہموس ایک رامجٹ سپرسونک مزائیل ہے جسے آبدوزوں، جہازوں، لڑاکا طیاروں اور زمین سے بھی لانچ فائر کیا جاسکتا ہے۔
اس مزائیل کو ڈی آر ڈی او اور فیڈرل اسٹیٹ یونٹری انٹراپرائز روس کے مابین مشترکہ منصوبہ کے تحت تیار کیا گیا۔
برہموس نے زائد از 400 کیلو میٹر کی دوری موجود ہدف کا کامیاب نشانہ لگایا۔ اس تجربہ کے ساتھ ہی برہموس میں لگے ملکی آلات کی تعداد کافی بڑھ گئی ہے اور اس سے دفاعی شعبہ میں ملک کی حصہ داری اور میک ان انڈیا پروگرام کو کافی تقویت ملی ہے۔
