عالمی طور پر 4 ویکسین بن کر تیار ہیں اور ٹرائل کے آخری مرحلہ میں ہیں جبکہ امکان ہے کہ یہ 2020 کے آخر میں یا 2021 کے اوائل میں منظوری کے بعد مارکٹ میں دستیاب رہیں گے۔
بھارت نے شراکت داری کے ذریعہ دو ویکسین کی رسائی حاصل کرلی ہے جن میں اے زیڈ آکسفورڈ وائرل ویکٹر ویکسین اور نووا ویکس پروٹین سبیونٹ ویکسین شامل ہے۔
رپورٹ میں کہا گیا کہ ٹرائل کے پہلے اور دوسرے مرحلہ کے اعداد و شمار حوصلہ افزا نظر آرہے ہیں اور امید کی جارہی ہے کہ 2021 کے اوائل تک ویکسین بھارتی مارکٹ میں پہنچ جائے گی۔
ویکسین کی قیمت 3 تا 6 امریکی ڈالر (225 روپئے تا 550 روپئے) فی خوراک ہوسکتی ہے۔ 2011 میں پولیو کے خاتمہ کی مہم اور حالیہ دنوں میں مشن اندرا دھنُش کے طرز پر کووڈ-19 کے خلاف ویکسین کا پروگرام چلانے کا مطالبہ کیا جارہا ہے جبکہ اس مہم کے لیے تربیت یافتہ افرادی قوت سب سے بڑی رکاوٹ ہوسکتی ہے اور سرکاری طور پر پروگرام کے نفاذ میں 18 تا 20 ماہ کا وقت لگ سکتا ہے۔
