انوراگ ٹھاکر نے فرانس اور نیو یارک کے کونسل جنرل سفارتخانے میں اقوام متحدہ کی جنرل اسمبلی کے توسط سے منعقدہ اطلاعات اور جمہوریت سے متعلق سربراہ اجلاس میں حصہ لیا۔
وزیر اطلاعات و نشریات نے اپنے خطاب میں کہا کہ انفوڈیمک کے مسئلے کو اعلیٰ سطح پر نمٹانا ضروری ہے۔ عالمی وبا کے تناظر میں بھارت کو اندرونی طور پر دوہری معلومات کے چیلنج کا سامنا کرنا پڑا۔
انہوں نے کہا کہ ایک طرف شہری آبادی کو سوشل میڈیا اور دیگر اسمارٹ فون ایپلی کیشنز کے ذریعے بھرم اور غلط معلومات کے تیزی سے پھیلانے کے چیلنج کا سامنا کرنا پڑا جبکہ دوسری طرف ہمارے پاس دیہی اور دور دراز علاقوں کے لوگ بھی تھے، جہاں مختلف علاقائی زبانوں کے ساتھ حتمی رابطے کی شکل بدل جاتی ہے۔
یہ بھی پڑھیں: PM Modi In UNGA: دنیا میں انتہا پسندی کا خطرہ بڑھ رہا ہے
ٹھاکر نے کہا کہ حکومت ہند نے ان چیلنجوں کا مقابلہ سائنس اور حقائق پر مبنی فوری اور واضح مواصلات کے ذریعے کیا ہے۔ غلط معلومات گمراہ کن خبروں اور جھوٹے بیانات سے نمٹنے کے لیے اطلاعات کے باقاعدہ اور مستند بہاؤ کو یقینی بنانا حکومت ہند کی حکمت عملی کا ایک اہم جزو رہا ہے۔
انہوں نے کہا کہ ہم نے کووڈ پر روزانہ پریس بریفنگ دی جو ٹی وی نیوز، پرنٹ، ریڈیو اور سوشل میڈیا کے ذریعے بڑے پیمانے پر نشر کی گئی۔
یو این آئی
