نئی دہلی: نیویارک اور دہلی کے درمیان ایئر انڈیا کی پرواز میں خاتون مسافر پر پیشاب کرنے کے الزام میں گرفتار شنکر مشرا نے عدالت کو بتایا ہے کہ خاتون نے خود پیشاب کیا اور اسے جھوٹا پھنسایا گیا ہے۔ شرما کے وکیل نے عدالت میں اپنے دلائل پیش کرتے ہوئے کہا کہ خاتون پروسٹیٹ سے متعلق بیماری میں مبتلا تھی اور اس نے خود پیشاب کیا تھا۔ اس نے زور دیا کہ ان کا مؤکل ملزم نہیں ہے اور اس نے مبینہ طور پر کوئی قابل اعتراض کام نہیں کیا ہے۔ اس سے قبل 7 جنوری کو عدالت نے مشرا کو 14 دن کے لیے عدالتی حراست میں بھیجنے کا حکم دیا تھا اور اس کی درخواست ضمانت بھی مسترد کر دی تھی۔
واضح رہے کہ ایئر انڈیا نے نیویارک سے نئی دہلی آنے والی بین الاقوامی پرواز میں مسافر کے ایک ساتھی خاتون مسافر پر پیشاب کرنے کا معاملہ پیش آنے کے بعد کیبن کریو کے چار ارکان اور پائلٹ کو شوکاز نوٹس جاری کیا ہے، اور معاملے کی جانچ مکمل ہونے تک انہيں روسٹر سے ہٹا دیا ہے۔ الزام ہے کہ شنکر مشرا نے گزشتہ سال 26 نومبر کو ایئر انڈیا کی فلائٹ کی بزنس کلاس میں نشے کی حالت میں ایک 70 سالہ خاتون پر پیشاب کر دیا تھا۔ دہلی پولیس نے مشرا کے خلاف تعزیرات ہند اور انڈین ایئر کرافٹ ایکٹ کی مختلف دفعات کے تحت ایف آئی آر درج کی ہے اور اسے بنگلورو سے گرفتار کیا ہے۔ پولیس نے عدالت کو بتایا ہے کہ مشرا اس معاملے میں عدم تعاون کر رہے ہیں اور جان بوجھ کر تفتیش میں شامل نہیں ہو رہے ہیں۔
یہ بھی پڑھیں: Air India Passenger Urinating Case دوران پرواز خاتون مسافر پر پیشاب کرنے والا ملزم شنکر مشرا گرفتار
یواین آئی
