پارلیمنٹ اینکسی میں آج شام منعقدہ میٹنگ میں پیاز کی بڑھتی قیمتوں کے پیش نظر پیاز کی کمی کو دور کرنے کے لیے پیاز کے درآمد کے متعلق سنجیدہ غور و خوض کیا گیا۔
اطلاع کے مطابق میٹنگ میں مرکز ی وزیر زراعت نریندر سنگھ تومر، مرکزی وزیر کامرس پیوش گوئل، فوڈ اور سول سپلائز کے مرکزی وزیر رام ولاس پاسوان وغیرہ موجود تھے۔
میٹنگ کے اختتام پر امت شاہ یا کسی بھی وزیر نے صحافیوں کو اطلاع نہیں دی، لیکن ذرائع کا کہنا ہے کہ گذشتہ دنوں کابینہ نے ایک لاکھ بیس ہزار ٹن پیاز درآمد کرنے کا فیصلہ کیا تھا، اور اسی فیصلے پر عمل درآمد کے لیے یہ میٹنگ طلب کی گئی تھی۔
شاہ نے ہدایت دی کہ پیاز کی درآمد جلد شروع کی جائے، جبکہ ذرائع کا کہنا ہے کہ اگلے ایک ہفتہ کے اندر مصر وغیرہ سے پیاز درآمد ہونا شروع ہوجائے گی۔
خیال رہے کہ ان دنوں پیاز کی قیمتیں 80 سے 90 روپے تک پہنچ گئی ہے، جس کی وجہ سے زبردست بحران پیدا ہوگیا ہے۔
ایسا خیال کیا جاتا ہے کہ جھارکھند میں ہونے والے انتخابات پر بھی قیمت میں یہ اضافہ اثر ڈال سکتی ہے جبکہ دہلی میں بھی اگلے برس انتخابات ہونے ہیں۔
واضح رہے کہ مودی حکومت دہلی میں فوری طور پر اس بحران کو دور کرنے کی کوشش کررہی ہے۔
