امت شاہ نے بتایا کہ 'بھارت میں اب دو ویکسین تیار ہیں۔ پہلے مرحلے میں ہیلتھ ورکرز کو ٹیکے لگائے جارہے ہیں جبکہ دوسرے مرحلے میں سیکیورٹی اہلکاروں کو لگائے جائیں گے۔ 'میں سیکیورٹی اہلکاروں سے گزارش کرتا ہوں کہ وہ کسی بھی قسم کے تردد کے بغیر ویکسین لیں۔'
انہوں نے کہا کہ 'کچھ لوگ ایسے ہیں جو ویکسین کے بارے میں افواہیں پھیلا رہے ہیں۔ میں انہیں بتادوں، اس کے ساتھ سیاست نہ کرو۔'
انہوں نے کہا کہ اگر وہ سیاست میں شامل ہونا چاہتے ہیں تو اور بھی مسائل ہیں اور میں ان معاملوں پر ان سے بحث کرنے کے لئے تیار ہوں۔'
مرکزی وزیر نے کہا کہ کووڈ ۔19 سے نمٹنے میں بھارت کی کامیابی عوام کے فعال تعاون اور وزیر اعظم نریندر مودی اور حکومت کے بروقت اقدامات کی وجہ سے ہیں۔
انہوں نے آیوشمان سی اے پی ایف اسکیم کے آغاز کے بعد لوگوں سے خطاب کرتے ہوئے یہ باتیں کہیں۔ اس اسکیم کے تحت سنٹرل آرمڈ پولیس فورس (سی اے پی ایف) کے اہلکاروں اور ان کے اہل خانہ کو کیش لیس ہیلتھ کیئر فراہم کی جائے گی۔
یہ بھی پڑھیں: امت شاہ 30 جنوری کو مغربی بنگال کا دورہ کریں گے
