نئی دہلی: نارتھ دہلی میونسپل کارپوریشن کے ہسپتال ہندو راؤ میں نرسنگ، پیرامیڈیکل عملہ اور صفائی ملازمین نے تقریبا دو گھنٹے تک علامتی احتجاج کیا۔
اس دوران ان کا کہنا تھا کہ گزشتہ کئی ماہ سے انہیں تنخواہیں نہیں ملی ہیں ، نیز دستانے ، پی پی ای کٹ وغیرہ بھی پسپتال میں دستیاب نہیں ہیں جبکہ ہسپتال کو کوویڈ ۔19 اسپیشل سپتال بنایا گیا ہے۔
احتجاج پر بیٹھے ہسپتال عملہ نے بتایا کہ 'انہیں گذشتہ 5 ماہ سے تنخواہیں نہیں ملی ہیں ایسے حالات میں ان کے اہل خانہ اور گھر کیسے چلیں گے۔ کچھ ملازمین کا یہ بھی کہنا تھا کہ عملے کو کوڈ ۔19 کے لئے دوسرے اسپتالوں میں بھی ڈیوٹی کے لئے بھیجا جا رہا ہے۔ جس میں بیمار اور 50 سال سے زائد عمر کے ملازمین شامل ہیں ۔ جبکہ حکومت کی گائڈ لائن کے مطابق وہ ملازمین جو پہلے سے بیمار ہیں اور جن کی عمر 50 سال سے زائد ہے انہیں کورونا کے علاج کے لئے نہیں بھیجا جائے گا ۔
ملازمین کا کہنا تھا کہ یہ علامتی حتجاج ہے اگر تنخواہیں دو دن کے اندر نہیں دی گئی تو غیر معینہ مدت کے لئے احتجاج کیا جائے گا ۔
