ٹڈی دل ہریانہ کے نارنول، ریواڑی اور گڑگاؤں کے راستے دہلی این سی آر کے متعدد علاقوں تک پہنچ گئی ہے۔ ایسے میں آئی جی آئی ہوائی اڈے پر خصوصی الرٹ جاری کیا گیا ہے۔ ہوائی اڈے کے خصوصی ذرائع کے مطابق طیارے کی پرواز سے قبل اور ان کے لینڈنگ سے قبل تمام ایئرلائن کمپنیوں کو ٹڈیوں کی پریشانی سے آگاہ کیا گیا ہے۔ نیز محتاط رہنے کو کہا گیا ہے۔
اس معاملے کی جانکاری ایئر پورٹ پر کام کرنے والی سیکیورٹی سسٹن سمیت شہری ایجنسی دہلی انٹرنیشنل ایئرپورٹ لمیٹڈ (ڈائل) سمیت تمام ایجنسیوں کو دی گئی ہے۔ تاکہ طیارے کے ٹیک آف اور لینڈنگ کے دوران کوئی حادثہ پیش نہ آئے۔ جس کے بعد ائیرپورٹ انتظامیہ اور پائلٹ بھی اس معاملے پر پوری توجہ دے رہے ہیں۔
وہیں ہوائی اڈے پر کام کرنے والے ملازمین بھی ائیر پورٹ کو ٹڈیوں کی دہشت سے بچانے کے لئے تمام تر اقدامات کر رہے ہیں۔ اس کے تحت ہوائی اڈے کے آس پاس دیہات اور کھیتوں میں کیڑے مار دوائیوں کا چھڑکاؤ کیا جارہا ہے۔ جس کی وجہ سے ٹڈڈی دل ائیرپورٹ کے آس پاس نہیں آسکیں۔
تاہم یہ ٹڈی دہلی سمیت یوپی اور ہریانہ میں پھیل گیا ہے، جس پر حکومت بہت سے اقدامات کررہی ہے۔
