جسٹس سریش کمار كیت نے آل انڈیا انسٹیٹیوٹ آف میڈیکل سائنسز کی جانب سے چدمبرم کے صحت کے بارے میں یہ رپورٹ دیئے جانے کے بعد کہ انہیں اسپتال میں داخل کرائے جانے کی ضرورت نہیں ہے، یہ فیصلہ سنایا-
دہلی کی ایک خصوصی عدالت نے چدمبرم کو جمعرات کے روز بھی راحت نہیں دی اور انہیں 14 دن یعنی 13 نومبر تک کے لیے عدالتی حراست میں بھیج دیا۔
جج اجے کمار كهار نے اگرچہ انفورسمنٹ ڈائرکٹوریٹ کی پوچھ گچھ کے لیے ایک دن کی حراست بڑھانے کی درخواست قبول نہیں کی سی بی آئی نے میڈیا کمپنی آئی این ایكس میڈیا کے خلاف 15 مئی 2017 کو ایف آئی آر درج کی تھی۔
الزام ہے کہ آئی این ایكس میڈیا گروپ کو 305 کروڑ روپے کے غیر ملکی فنڈ لینے کے لیے 2007 میں غیر ملکی سرمایہ کاری کو فروغ دینے والے بورڈ کی منظوری دینے میں کئی طرح کی بے ضابطگیاں برتی گئیں۔
کمپنی کو جب یہ منظوری دی گئی تھی، اس وقت پی چدمبرم وزیر خزانہ تھے۔ سی بی آئی نے چدمبرم کو نئی دہلی میں واقع ان کی رہائش گاہ سے 21 اگست کی رات گرفتار کیا تھا۔
سی بی آئی نے چدمبرم کے خلاف 18 اکتوبر کو دہلی کی ایک عدالت میں چارج شیٹ دائر کیا تھا۔ اس چارج شیٹ میں چدمبرم اور ان کے بیٹے كارتک چدمبرم کے علاوہ سابق میڈیا کاروباری پیٹر مکھرجی اور ان کی سابقہ بیوی اندراني مکھرجی سمیت 13 دیگر افراد کے نام شامل ہیں۔
