آزاد کے قریبی ذرائع نے بتایا کہ راجیہ سبھا میں قائد حزب اختلاف اور مسٹر پٹیل نے مسٹر چدمبرم سے تقریبا ڈیڑھ گھنٹے تک بات چیت کی۔
اس دوران ، لوک سبھا کے ممبر اور مسٹر چدمبرم کے بیٹے کارتی چدمبرم بھی ان کے ساتھ تھے۔
ذرائع نے بتایا کہ مسٹر آزاد نے سابق وزیر خزانہ کی صحت کے بارے میں دریافت کیا اور ان سے موجودہ سیاسی امور پر تبادلہ خیال کیا۔
مسٹر چدمبرم مبینہ آئی این ایکس میڈیا بدعنوانی معاملے میں 5 ستمبر سے تہاڑ جیل میں بند ہیں۔
سابق مرکزی وزیر پر متحدہ ترقی پسند اتحاد حکومت کے دور میں اپنے منصب کا غلط استعمال کرنے اور آئی این ایکس میڈیا کو غیرضروری فوائد پہنچانے کا الزام عائد کیا گیا ہے۔
