کانگریس کے سابق صدر راہل گاندھی نے وزیر خزانہ نرملا سیتا رمن کے کورونا وائرس سے متاثر اور ہیلتھ سے متعلق سیکٹر کے لیے پیر کے روز اعلان کردہ معاشی پیکیج کو ڈھکوسلہ قرار دیتے ہوئے کہا ہے کہ 'اس سے کسی کو فائدہ نہیں ہوگا۔'
راہل گاندھی نے منگل کے روز ٹوئٹ کیا کہ 'وزیر خزانہ کے 'معاشی پیکیج' کو کوئی بھی کنبہ اپنے رہنے، کھانے، دوا، بچے کی اسکول فیس پر خرچ نہیں کرسکتا، یہ پیکیج نہیں ایک ڈھکوسلہ ہے۔'
یہ بھی پڑھیں: 'مودی حکومت نے ٹیکس وصولی میں پی ایچ ڈی کر رکھی ہے'
قابل ذکر بات یہ ہے کہ کورونا وائرس کی وبا سے تباہ حال معیشت کو واپس ٹریک پر لانے کے لئے وزیر خزانہ نرملا سیتارمن نے پیر کو ایک اور امدادی پیکیج کا اعلان کیا، جس میں کورونا متاثرہ علاقے کے لئے 1.1 لاکھ کروڑ روپیے کی کریڈٹ گارنٹی اسکیم اور صحت کے شعبے کے لئے 50 ہزار کروڑ روپیے سمیت دیگر کئی شعبوں کے لیے اقتصادی پیکیج کس اعلان کیا تھا۔
(یو این آئی)
