مرکزی وزیر قانون روی شنکر پرساد نے کہا کہ مرکزی حکومت شاہین باغ کے مظاہرین سے بات چیت کرنے کے لیے تیار ہے، لیکن طے شدہ اصول کے مطابق ہی بات چیت ہوگی۔
روی شنکر پرساد نے ٹوئٹ میں لکھا کہ حکومت ان کے ساتھ بات چیت کرنے اور شہریت ترمیمی قانون (سی اے اے) کے خلاف ان کے تمام شبہات کو دور کرے گی۔
واضح رہے کہ شاہین باغ میں شہریت ترمیمی قانون(سی اے اے) ، این پی آر اور این آر سی کی مخالفت میں گزشتہ 14 دسمبر سے خواتین کا احتجاجی مظاہرہ جاری ہے۔
مظاہرین سی اے اے اور این پی آر کو واپس لینے کا مطالبہ کررہے ہیں لیکن حکومت کا کہنا ہے کہ یہ قانون بنگلہ دیش، افغانستان اور پاکستان کے مظلوم ہندو، سکھ، عیسائی، بودھ، جین اور پارسی کو شہریت دینے کا التزام کیا گیا ہے۔جس میں مسلمانوں کو شامل نہیں کیا گیا۔
