ایک سینئر عہدیدار نے کہا کہ پرنب نندا قومی دارالحکومت نئی دہلی میں سرکاری دورے پر تھے، جب انہیں دل کا دورہ پڑا وہ انتقال کر گئے۔
بتادیں کہ وزارت داخلہ امور نے 1988 بیچ کے آئی پی ایس افسر پرنب نندا کو رواں سال 25 فروری کو گوا منتقل کیا تھا۔انہوں نے مارچ میں گوا کے ڈائریکٹر جنرل پولیس کے عہدے کا چارج لیا تھا۔
بی جے پی رہنما اور سابق رکن پارلیمان نریندر سوائیکر نے ٹویٹ کیا کہ: 'گوا پولیس کے ڈائریکٹر جنرل شری پرنب نندا (آئی پی ایس) کے انتقال کی خبر سے بہت افسوس ہوا۔ میری دعائیں ان کے اہل خانہ کے ساتھ ہیں، اوم شانتی۔'
پولیس انسپکٹر جنرل جسپال سنگھ نے نندا کی موت کی تصدیق کی۔ وہ جمعہ کو گوا میں سرکاری تقریبات میں شرکت کے بعد دہلی کے دورے پر تھے۔
