ریاست اترپردیش کے ضلع غازی آباد کے لونی میں بزرگ عبدالصمد کے ساتھ بدسلوکی اور مارپیٹ کے معاملے میں ٹویٹ کرنے کے سلسلے میں اداکارہ سوارا بھاسکر اور ٹویٹر ایم ڈی منیش مہیشوری کے خلاف تلک مارگ پولیس اسٹیشن میں شکایت درج کروائی گئی ہے۔
اس ضمن میں ڈی سی پی دیپک یادو کا کہنا ہے کہ شکایت میں لگائے گئے الزام کے حوالے سے ابھی تحقیقات جاری ہے۔ شکایت کی تفتیش کے بعد یہ طے کیا جائے گا کہ ایف آئی آر بنتی ہے یا نہیں۔
واضح رہے کہ غازی آباد معاملے میں غازی آباد پولیس نے اب تک تین ایف آئی آر درج کی ہے۔ پہلی ایف آئی آر کے تحت 5 ملزمین کو گرفتار کر لیا گیا ہے۔ دوسری ایف آئی آر میں 7 ملزمین کا نام ہے جن پر اس پورے معاملے کو فرقہ وارانہ رنگ دینے کی کوشش کرنے کا الزام ہے اور ٹویٹر پر پولیس نے مقدمہ درج کیا تھا۔ تیسری ایف آئی آر مقامی رہنما انمید پہلوان کے خلاف کی گئی ہے۔
