قومی راجدھانی دہلی اور این سی آر کی حالات کورونا کے باعث انتہائی تشویشناک ہیں۔ہر طرف ہنگامی صورت حال ہے۔کورونا پر قابو پانے اور اس کی روک تھام کے لئے ہر سطح پر کاروائی کی جا رہی ہے۔لیکن انتظامیہ کی جانب سے دہلی کی آزاد پور منڈی میں صفائی ستھرائی اور سینیٹائزیشن پر خاص توجہ نہیں دیا جارہا ہے ۔
سرکار بھی اس جانب توجہ نہیں دے رہی ہے۔ایسے میں منڈی میں صفائی کے عمل کو بہتر بنانا اور زمین پر کورونا وائرس کی افزائش کو روکنے کے لئے سابق کونسلر پرویش چوہان اور اے پی ایم سی کے ممبر انل ملہوترا کی قیادت میں سینیٹائزیشن کیا گیا۔علاقائی کونسلر گریما گپتا کے تعاون سے سبزی منڈی کے مختلف شیلٹروں میں سینیٹائزیشن کا کام کیا گیا۔
اے پی ایم سی کے رکن انل ملہوترہ نے کہا کہ سبزی اور پھل گرنے سے فرش پر جراثیموں کی افزائش اور وبائی امراض پھوٹنے کا اندیشہ رہتا ہے ۔سرکار نے اس جانب کوئی توجہ نہیں دیا اور نہ ہی کوئی ٹھوس قدم اٹھایا گیا، لہذا سرکار کی بے رخی کو دیکھتے ہوئے ہمیں خود اپنے لوگوں کے تعاون سے سینیٹائزیشن کرنا پڑا۔
