جنوبی دہلی کی سابق میئر سریتا چودھری پریس کانفرنس کے دوران جذباتی ہوگئیں اور اپنے شوہر آزاد سنگھ پر سنگین الزامات لگائے۔
سریتا چودھری نے کہا کہ پارٹی میں ہر ایک نے یقین دہانی کرائی۔ کسی نے مدد نہیں کی۔ وہ اب بی جے پی کے سینئر رہنماؤں سے ملاقات کریں گی اور انصاف کی درخواست کریں گی۔
دارالحکومت دہلی میں انتخابات بہت قریب آچکے ہیں۔ ایسی صورتحال میں دہلی بی جے پی کی مشکلات میں مسلسل اضافہ ہوتا جارہا ہے۔ حال ہی میں دہلی کے سابق میئر سریتا چودھری اور دہلی بی جے پی کے رہنما آزاد سنگھ کے درمیان دہلی بی جے پی کے دفتر میں لڑائی کے بعد یہ معاملہ مکمل طور پر پیچیدہ ہوگیا ہے۔
دہلی کی سابق میئر سریتا چودھری نے پریس کانفرنس میں بی جے پی کے سابق ممبر اور رہنما آزاد سنگھ کے خلاف متعدد سنگین الزامات لگائے اور پریس کانفرنس میں یہ بھی کہا کہ متعدد ایف آئی آر اور پولیس شکایات کے باوجود پولیس نے کوئی کارروائی نہیں کی۔
ساتھ ہی انہوں نے اپنے شوہر پر جنسی زیادتی کا بھی الزام لگایا اور کہا کہ آزاد سنگھ کو بڑے لوگوں کا تحفظ حاصل ہے۔ جس کی وجہ سے اس کے خلاف کوئی کارروائی نہیں کی گئی۔
ای ٹی وی بھارت سے گفتگو کے دوران سریتا چودھری نے کہا کہ 'اب وہ اپنے ساتھ ہونے والی ناانصافی کے لئے عدالت کا دروازہ کھٹکھٹائیں گی۔ تاکہ آزاد سنگھ کو ان کے کیے کی سزا مل سکے۔'
ساتھ ہی وہ بی جے پی کے سینئر رہنماؤں سے ملاقات کریں گی اور انصاف کی درخواست کریں گی۔۔
