قومی دارالحکومت دہلی میں اس سال بھی پٹاخوں کی فروخت اور پھوڑنے پر پابندی رہے گی۔ دہلی کے وزیراعلیٰ اروند کیجریوال نے خود ٹویٹ کرکے اس کی جانکاری دی۔
دہلی کے وزیراعلیٰ اروند کیجریوال نے ٹوئٹ کیا اور لکھا کہ 'گزشتہ 3 سال سے دیوالی کے وقت دہلی کی آلودگی کی خطرناک صورتحال کے پیش نظر پچھلے سال کی طرح اس سال بھی پٹاخوں کی فروخت اور استعمال پر مکمل پابندی عائد کی جارہی ہے۔ تاکہ لوگوں کی زندگیاں بچائی جاسکیں۔
یہ بھی پڑھیں: گوتم بدھ نگر: پولیس نے پٹاخےنہ چھوڑنےکی ترغیب دی
پچھلے سال پٹاخوں کی فروخت پر مکمل پابندی عائد کی گئی تھی جس سے تاجروں کو کافی نقصان ہوا۔ تمام تاجروں سے اپیل ہے کہ اس بار بھی مکمل پابندی کے پیش نظر کسی بھی قسم کا پٹاخہ فروخت نہ کریں۔
