دارالحکومت دہلی کے صفدرجنگ اسپتال میں آج صبح 6:35 بجے آگ لگ گئی۔ جیسے ہی آگ لگنے کی اطلاع اسپتال انتظامیہ کو ملی ویسے ہی انہوں نے اس کی جانکاری فائر بریگیڈ کو دی۔
فائر بریگیڈ کی 9 گاڑیوں نے موقع پر پہنچ کر آگ پر قابو پایا حالانکہ ابھی تک اس حادثہ میں کسی بھی طرح کے جانی نقصان کی خبر سامنے نہیں آئی ہے۔
تقریباً 50 مریضوں کی جان بچائی
واضح رہے کہ یہ آگ اسپتال کے آئی سی یو بلاک کی پہلے منزل پر لگی تھی۔ فائر بریگیڈ کی ٹیم نے فوری طور پر پہنچ کر تقریباً 50 مریضوں کی جان بچائی۔ مریضوں کو اسپتال انتظامیہ کی مدد سے دوسرے وارڈ میں منتقل کردیا گیا ہے۔
