قومی دارالحکومت دہلی میں جمعرات کی شام ایشیاء کی سب سے بڑی منڈیوں میں سے ایک گاندھی نگر مارکیٹ کی ایک دکان میں اچانک آگ بھڑک اٹھی۔
آگ اتنی خوفناک تھی کہ اس نے تین منزلہ عمارت کو اپنی لپیٹ میں لے لیا، جبکہ آگ پر قابو پانے کے لیے دو درجن سے زائد فائر بریگیڈ کے عملے کی گاڑیوں کا لایا گیا۔
بتایا جارہا ہے کہ فائر بریگیڈ کی 26 گاڑیاں موقع پرپہنچ گئیں، اور ایک گھنٹے کی سخت مشقت کے بعد آگ پر قابو پایا گیا، جبکہ آتشزدگی میں کسی قسم کا کوئی جانی نقصان نہیں ہوا لیکن لاکھوں مالیت کا سامان ضرور جل کر خاک ہوگیا، تاہم آگ لگنے سے پوری مارکیٹ میں خوف و ہراس پھیل گیا۔
اطلاع کے مطابق فائر عملے کو آٹھ بجے کے قریب یہ خبر ملی کہ گاندھی نگر کے ملتانی محلہ کے سبھاش روڈ میں واقع ایک دکان میں آگ لگ گئی، تاہم اس عمارت میں کپڑوں کی دکان کے علاوہ کپڑے کے گودام بھی ہیں۔
گاندھی نگر مارکیٹ میں آگ کیسے لگی اس کا پتہ نہیں چل سکا ہے تاہم خدشہ ظاہر کیا جارہا ہے کہ مارکیٹ میں آگ لگنے کی وجہ شارٹ سرکٹ ہوسکتی ہے۔
