ضلع میں رجسٹرڈ اور غیر رجسٹرڈ کسانوں کی تعداد کافی زیادہ ہے۔ ایسے میں کسانوں کو یہ فکر ستا رہی ہے کی کورونا وائرس کے قہر کے چلتے ان کی فصل سرکاری خرید کا حصہ کیسے بن پائے گی؟
حالانکہ ضلع انتظامیہ نے فصلوں کی سرکاری خریداری کے لیے اناج منڈیوں کے علاوہ کئی پرچیز سینٹر بنائے ہیں۔ مارکیٹ کمیٹی ضلع کے کسانوں کو اعتماد میں لے رہی ہے کی رجسٹرڈ کسانوں کا دانہ دانہ خریدا جائے گا۔ لیکن جو کسان رجسٹریشن نہیں کرا سکے ہیں۔ ان کی خریداری نہیں ہوگی۔
فصلوں کی محدود خریداری سے کسان فکر مند
بیداری نہ ہونے اور آن لائن پیچیدگیوں کی وجہ سے کسانوں کی بڑی تعداد اپنی فصل کا رجسٹریشن نہیں کرا پاتی ہے۔بعد میں انہیں فصلوں کو فروخت کرنے میں کافی دقتوں کا سامنا کرنا پڑتا ہے۔
آڑھتیوں اور عام کسانوں کی مانے تو آن لائن رجسٹریشن پیچیدگیوں سے بھرا ہے جو کسانوں کے لیے بے حد مشکل عمل ہے۔
