قومی دارلحکومت دہلی میں جرائم کی تعدادمیں اضافہ کو دیکھتے ہوئے دہلی پولیس مستعد ہوگئی ہے، اور دھوکہ دہی اور ٹھگی کرنے والوں کے خلاف حرکت میں آگئی ہے ۔اس سلسلے میں نے جنوب مشرقی ضلع پولیس کے کرائم سیل نے خفیہ اطلاع کی بنیاد پر فرضی بین الاقوامی کال سینٹر چلانے اور غیر مقیم ہندوستانیوں کو دھوکہ دینے کے معاملہ میں 13لوگوں کو گرفتار کیا ہے۔
13 Arrested For Running Fake Call Centre In Delhi
پولیس نے دعویٰ کیا کہ پوچھ گچھ کے دوران ملزمان نےکئی انکشافات کیے ہیں۔پولیس نے ان کے قبضے سے 20 موبائل فون، 11 کمپیوٹر مانیٹر، 11 سی پی یو، 11 کی بورڈ، 10 ہیڈ فون، ایک وائی فائی راؤٹر، ایک مہندرا تھر، اور ایک i-20 کار برآمدہونے کا دعویٰ کیا ہے۔
پولیس نے بتایا کہ ملزمان بیرون ملک میں رہنے والے ہندوستانیوں (این آر آئی) کے ساتھ بات چیت کرتے تھے تاکہ انہیں متعلقہ ملک کے پولیس یا سرکاری عہدیداروں کی پہچان بتا کر انہیں دھوکہ دیا جا سکے۔
پولیس نے مزید کہا کہ جب اس مقام پر چھاپہ مارا گیا تو ملزمان بیرون ملک مقیم ہندوستانیوں سے بات کر رہے تھے، پی ایس سائبر پولیس اسٹیشن میں تعزیرات ہند (آئی پی سی) کی متعلقہ دفعات کے تحت ایف آئی آر درج کی گئی ہے۔
مزید پڑھیں:فرضی کال سینٹر کا خلاصہ: غیر ملکی شہریوں سے 70 کروڑ کی دھوکہ دہی
ڈپٹی کمشنر آف پولیس (ساؤتھ ایسٹ) ایشا پانڈے نے کہا 4 جون کو اوٹر ڈسٹرکٹ کے سائبر پولیس اسٹیشن نے بین الاقوامی جعلی کال سینٹر کا پردہ فاش کیا، جس میں ملزمان مائیکروسافٹ سپورٹ کا بہانہ بنا کر غیر مقیم ہندوستانیوں کو دھوکہ دے رہے تھے۔
