بیرون ملک سے آنے والے ہر مسافر کی جانچ ہوگی

حکومت نے کورونا وائرس 'كووڈ -19' کے پیش نظر بیرون ملک سے آنے والے ہر مسافر کی اسکریننگ (صحت کی جانچ ) کرنے کی ہدایت دی ہے، چاہے وہ کسی بھی ملک سے آ رہا ہو۔

شہری ہوابازی کے سکریٹری پردیپ سنگھ كھرولا کی صدارت میں ایک میٹنگ کے بعد یہ ہدایت جاری کی گئی۔ اس میں كووڈ -19 کے سلسلے میں ہوائی اڈوں کی تیاریوں کا جائزہ لیا گیا۔ كھرولا نے باہر سے ملک آنے والے ہر مسافر کی اسکریننگ کی ہدایت دی۔

شہری ہوابازی کی وزارت نے بتایا کہ بین الاقوامی ہوائی اڈوں پر بنے ایئرپورٹ ہیلتھ آرگنائزیشن کے دفاتر میں کورونا وائرس کے انفیکشن کے پیش نظر مسافروں کی صحت کی جانچ کی جائے گی۔

اس میٹنگ میں ہوائی اڈوں کے ڈائریکٹوریٹ کے صدر اروند سنگھ، شہری ہوابازی ڈائریکٹر جنرل ارون کمار، وزارت صحت کے اہلکار، بین الاقوامی ہوائی اڈوں کے ڈائریکٹر اور جوائنٹ انٹرپرائز والے ہوائی اڈوں کے چیف ایگزیکٹو آفیسر بھی شامل تھے۔