پورا ملک کورونا جیسی خطرناک بیماری سے لڑ رہا ہے۔ کورونا کی وجہ سے اس وقت بازار کو معاشی بدحالی کا سامنا کرنا پڑ رہا ہے۔ لیکن حالت اب اتنی خراب ہوگئی ہے کہ چھوٹے تاجروں کو پچھلے 60 دنوں سے کوئی کام نہیں ملا ہے، ایسی صورتحال میں تاجروں کے لئے گزارا کرنا مشکل ہوگیا ہے۔
ای ٹی وی بھارت کے ساتھ بات چیت کے دوران چھوٹے تاجر کمل اور جئےراج جو سینڈل بنانے میں ملوث ہیں، نے بتایا کہ اس دوران کاروباری حالات اتنے خراب ہیں کہ نہ تو دکان کا خرچہ آتا ہے اور نہ ہی اپنے گھر والوں کے لئے دو وقت کے کھانے کا انتظام ہورہا ہے۔ ہم لوگوں پر دو طرفہ اقتصادی حملہ ہوا ہے۔ حکومت سے ہماری واحد اپیل ہے کہ جلد سے جلد کورونا پر قابو پایا جائے اور ساتھ ہی ہم جیسے تاجروں کی بھی مدد کی جائے تاکہ ہم اس معاشی کساد بازاری پر قابو پاسکیں۔
مجموعی طور پر اگر کورونا کے اس دور میں سب سے زیادہ نقصان کسی کو ہوا ہے تو یہ ان چھوٹے تاجروں کو ہوا ہے، جو چھوٹی اور کاٹیج صنعت سے وابستہ ہیں۔
اپنا درد بانٹتے ہوئے انہوں نے کہا کہ 60 دن سے زیادہ کا عرصہ ہوچکا ہے لیکن ابھی تک انہیں ایک روپیہ کا کا کام نہیں ملا ہے وہ بمشکل اپنے اخراجات چلا رہے ہیں۔ حکومت کو بھی چھوٹی اور کاٹیج صنعتوں کے لئے کچھ کرنا چاہئے تاکہ چھوٹا تاجر جو سر اٹھا کر جی سکتا ہے اسے خود کشی کرنے پر مجبور نہ ہونا پڑے۔ ایک طرف دکان کا کرایہ اور دوسری طرف بجلی کا بل اور تیسری طرف کنبہ کے اخراجات، ایسی صورتحال میں اگر عام تاجر جائے تو پھر کہاں جائے؟ اب ہمیں صرف حکومت کی مدد کی ضرورت ہے تاکہ حکومت ہماری تھوڑی بہت مدد کرے۔
