کڈنی ٹرانس پلانٹ کرنے والا آٹھویں پاس ڈاکٹر گرفتار

اترپردیش کی نوئیڈا پولیس نے دہلی کے تلک بازار سے کڈنی ٹرانس پلانٹ کرنے والے ایک شخص کو گرفتار کیا ہے، ان کے وکیل نے کورٹ میں بتایا کہ وہ آٹھویں کلاس پاس ہے۔

نوئیڈا تھانہ سیکٹر 20 سے ایک سنسنی خیز معاملہ سامنے آیا ہے۔ جہاں ایک شخص نے خود کو ڈاکٹر بتاکر 2 سال تک کڈنی ٹرانس پلانٹ کے نام پر لوگوں سے لاکھوں روپیے حاصل کیے۔ اس معاملے میں ایک شخص کی گرفتاری دہلی کے تلک بازار سے ہوئی ہے۔

جانکاری کے مطابق 25 مئی 2021 کو نیتھاری کے رہنے والے ایک شخص نے مقدمہ درج کرایا تھا، الزام تھا کہ دہلی چیریٹیبل ڈسپنسری چلانے والے ڈاکٹر بلند اختر نے کڈنی ٹرانس پلانٹ کے نام پر ایک شخص سے 8 لاکھ روپیے کی مانگ کی۔ پولیس نے اس معاملے میں دفعہ 420, 406, 304 اور 120 کے تحت مقدمہ درج کیا تھا، جس کے بعد بلند اختر کی گرفتاری ہوئی ہے۔

کورٹ میں گرفتار شخص کے وکیل نے بتایا کہ وہ آٹھویں کلاس پاس ہے اور اس کے پاس کسی طرح کی کوئی ڈاکٹر کی ڈگری نہیں ہے۔

پڑھیں: دہلی فساد سے متعلق قتل معاملے میں سات ملزمین کو ضمانت ملی