لاک ڈاون کے دوران جہاں ایک طرف دیگر جرائم میں کافی گراوٹ آئی ہے وہیں گھریلو تشدد کے واقعات میں زبردست اضافہ ہوا ہے۔
نیشنل کمیشن فار ویمن کو لاک ڈاون کے دوران تقریباً 250 شکایات موصول ہوئی ہیں جبکہ 69 گھریلو تشدد کے کیسس درج کئے گئے۔
کمیشن کی چیرپرسن ریکھا شرما نے کہا کہ گھریلو تشدد کے واقعات بے تحاشہ اضافہ کا خدشہ ہے جبکہ لاک ڈاون کے بعد زیادتی کرنے والے شخص کی گھر میں موجودگی سے خواتین شکایات کرنے سے گھبرا رہی ہیں۔
انہوں نے کہا کہ 24 مارچ سے یکم اپریل کے درمیان گھریلو تشدد کے 69 واقعات درج ہوئے ہیں جبکہ یہ تعداد بڑھ رہی ہے۔
ریکھا شرما نے کہا کہ لاک ڈاون کی وجہ سے خواتین گھبرارہی ہیں کیونکہ اگر وہ اپنے شوہر کے خلاف پولیس میں شکایت کرتی ہیں تو اس کے سسرالی رشتہ دار اسے ہراساں کرسکتے ہیں۔
