کانگریس کے رہنما نے صدر کے خطا ب پر شکریہ کی تحریک پر بحث میں حصہ لیتے ہوئے کہا کہ 'اقلیتوں سے دوری بناتے رہے وزیراعظم اب اقلیتوں کا اعتماد حاصل کرنے کی بات کر رہے ہیں اور اقلیتی برادری کے طلبا کے لیے اسکالرشپ کا اعلان کر رہے ہیں، آئین کے سامنے سر جھکا رہے ہیں۔'
انہوں نے طنزیہ لہجے میں کہا کہ 'میں انہیں مبارکباد دیتا ہوں لیکن کیا یہ تبدیلی ہے یا کوئی جملہ ہے۔ اگر یہ تبدیلی ہے تو وزیراعظم نے جو کہا ہے، اسے عملی طور پر کرنا ہوگا۔'
جھارکھنڈ میں ایک کمیونٹی کے شخص کی پٹائی کے واقعے کا حوالہ دیتے ہوئے انہوں نے کہا کہ 'اگر اس طرح کے واقعات ہوں گے تو بھروسہ کیسے پیدا ہوگا۔ لوک سبھا میں اراکین کے حلف لینے کے دوران 'جے شری رام' اور 'اللہ اکبر' کے نعروں کا ذکر کرتے ہوئے انہوں نے کہا کہ یہ غیرمتوقع ہے۔'
جموں و کشمیر کا ذکر کرتے ہوئے دگ وجے سنگھ نے کہا کہ 'مودی حکومت نے پانچ برس پہلے کشمیری پنڈتوں کی واپسی کا وعدہ کیا تھا۔ حکومت کو بتانا چاہیے کہ اب تک کتنے پنڈت کنبے کشمیر واپس آئے ہیں۔'
