قومی دارالحکومت دہلی سے متصل ریاست اترپردیش کے شہر نوئیڈا میں ضلع کے تمام افراد کو اس وبائی بیماری کورونا وائرس کے انفیکشن سے بچانے کے لیے اور اس پر قابو پانے کے لیے ایک مہم اترپردیش حکومت کے ذریعہ چلائی جارہی ہے۔
اس خصوصی مہم کو کامیاب بنانے کے لیے دادری پہنچے نوڈل آفیسر نے ایک اہم میٹنگ کا اہتمام کیا تاکہ حکومت کی اس مہم کو بڑی مضبوطی سے چلایا جاسکے۔
اس دوران پانی کی نکاسی، پینے کے صاف پانی، سیلاب روکنے کے انتظامات، صفائی و دیگر امور پر بھی تبادلہ خیال کیا گیا اور اس کی تیاریوں کا جائزہ لینے کے لیے متعلقہ ٹیمز کے ہمراہ گاؤں چیٹورہ کا معائنہ کیا، اور ساتھ ہی دادری کے نیائدل گنج بھی پہنچے، جہاں گاؤں میں سی سی روڈ مکمل اور نالیاں وغیرہ بھی صاف پائیں گیں۔
نریندر بھوشن نے کہا کہ بارش شروع ہوچکی ہے، مختلف وبائی امراض کے پھیلنے کا اندیشہ ہوتا ہے، ان امراض پر قابو پانے کے لیے احتیاط لازمی ہے، جس کے لیے خصوصی مہم چلائی جائے گی۔
