عام آدمی پارٹی کے رکن اسمبلی سوربھ بھاردواج نے پریس کانفرنس کے ذریعے اس بات کا اعلان کیا۔
انھوں نے کہا کہ گزشتہ روز 'امن اور فرقہ وارانہ ہم آہنگی' کی ددوسری میٹنگ تھی، میٹنگ کے بعد ئی فیصلہ لیا گیا کہ اگر سوشل میڈیا پلیٹ فارم، واٹس ایپ، فیس بک، ٹویٹر پر کوئی بھی دل آزار یا اشتعال انگیز میسیج بھیجتا ہے اور اس کے سبب دو فرقوں میں تنازعہ پیدا ہوسکتا ہے۔ تب ایک ذمہ دار شہری کی حیثیت سے کوئی بھی شخص اس کی شکایت درج کراسکتا ہے'۔
انھوں نے یہ بھی کہا ہے کہ' اس بات کی شکایت کسی بھی حلقۂ اسمبلی سے کی جاسکتی ہے اور اس کے لیے ایک واٹس ایپ نمبر اور ایک ای میل آئی ڈی جاری کیا گیا ہے، ان دو ذرائع کی معلومات عام عوام کو ہر طرح کے اشتہار اور دیگر ذرائع سے دی جائے گی۔
انھوں نے یہ بھی کہا ہے تمام مذہبی جگہوں اور شاہراہوں پر ہورڈنگ بورڈز لگا کر ای-میل آئی ڈی اور واٹس ایپ نمبر کی معلومات لوگوں تک پہنچائی جائیں گی۔ خبر کے آخر میں ای میل آئی ڈی اور فون نمبر دیے گئے ہیں۔
ای-میل آئی ڈی: dvscommittee@delhi.gov.in
فون نمبر: 8950000946
