ملک میں کووڈ-19 کی وبا کے سبب کانوکیشن کا اہتمام آن لائن و آف لائن دونوں سطح پر کیا گیا تھا۔
اس دوران دہلی یونیورسٹی کے شعبہ اردو کے پی ایچ ڈی کے 19 طلبا کو بھی ڈگری تفویض کی گئی۔
یو پی ایس سی کے چیئرمین پی کے جوشی اور دہلی یونیورسٹی کے وائس چانسلر نے پی ایچ ڈی کے تمام طلبا کو ڈگری سے نوازا۔
ان میں عمران احمد، محمد حسین، شکیل احمد، سالم سلیم، طارق، سید عینین علی حق، عادل احسان، عالیہ سمیت 19 طلبا کو بھی پی ایچ ڈی کی ڈگری دی گئی۔
اس دوران پروفیسر ارتضیٰ کریم، ڈین فیکلٹی آف آرٹس اور صدر شعبہ اردو بھی موجود رہے۔
کانوکیشن کے دوران دہلی یونیورسٹی کے وائس چانسلر پی سی جوشی نے کہا "نہ صرف دہلی یونیورسٹی بلکہ تمام یونیورسٹیوں کی تاریخ میں پہلی بار، ایک بٹن پر کلک کرتے ہوئے تقریباً 1،80،000 طلباء کو ان کی میل میں مختلف شعبوں میں انڈر گریجویٹ اور پوسٹ گریجویٹ کی ڈگری دی گئی۔ یہ ہم سب کے لیے تاریخی قدم ہے۔
کانوکیشن کی تقریب میں مرکزی وزیر تعلیم رمیش پوکھریال "نشنک" نے مہمانِ خصوصی کے طور پر شرکت کی۔ انہوں نے طلبا کو 156 میڈلز اور 36 دیگر ایوارڈ پیش کیے۔
تقریب کے دوران ڈاکٹریٹ کی چھ سو ڈگریاں اور 44 ڈی ایم / ایم سی ایچ ڈگریاں بھی دی گئیں۔ انہوں نے کہا کہ یونیورسٹی نے تعلیم کے میدان میں نمایاں کام کیا ہے۔
مزید پڑھیں:
اے ایم یو: لاپتہ طالب علم کو ڈھونڈنے کے لیے طلبا کا انتظامیہ پر دباؤ
نشنک نے طلبا اور ان کے سرپرستوں کو مبارکباد پیش کی اور انہیں مستقبل میں مزید محنت کرنے کی ترغیب دی۔
