دارالحکومت دہلی میں کھڑی بسوں کے لئے ملٹی اسٹوری پارکنگ بنانے کا منصوبہ جاری ہے۔ بیرونی ممالک کی طرح یہاں ایک کثیر المنزلہ عمارت میں کم جگہ پر زیادہ بسیں کھڑی کرکے پارکنگ کے مسئلے پر قابو پالیا جائے گا۔
موصولہ اطلاع کے مطابق وزیر ٹرانسپورٹ خود یہ پورا منصوبہ لے کر آئے ہیں، جس کے لئے محکمہ 7 دن میں ایک مکمل تجویز پیش کرے گا۔ محکمہ ٹرانسپورٹ بسوں کے لئے ملٹی اسٹوری پارکنگ بنائی گی۔
محکمہ ٹرانسپورٹ سے وابستہ ایک سینئر عہدیدار نے بتایا کہ اسکیم میں دہلی میٹرو ریل کارپوریشن کی مدد لی جائے گی۔ اس کے لئے میٹنگ بھی ہوچکی ہیں۔ اس کے لئے، اوکھلا ، ہری نگر، حسن پور اور وسنت وہار ڈپو سمیت کچھ مقامات کی بھی نشاندہی کی گئی ہے۔
یہ بھی پڑھیں: دہلی میں 30 لاکھ پودے لگائے جائیں گے: انل بیجل
عہدیدار کے مطابق وزیر ٹرانسپورٹ اور اعلیٰ عہدیدار جو گزشہ سال ہانگ کانگ گئے تھے، یہ خیال آیا۔ تب سے کام جاری تھا۔ لاک ڈاؤن نے اس پر بریک بھی لگایا تھا لیکن اب یہ تیزرفتاری سے شروع ہوگئی ہے۔ بہت جلد ہی اس بارے میں پورا روڈ میپ سامنے آجائے گا۔
واضح رہے کہ پارکنگ کا مسئلہ دہلی کے لئے ایک بہت بڑا مسئلہ ہے۔ سڑک پر دو پہیوں اور چار پہیوں کی گاڑی کے علاوہ بسیں، ٹرک اور لوڈر بھی قابض ہیں۔ ایسی صورتحال میں لوگ جام کی شکایت کرتے ہیں۔ ملٹی لیول بس پارکنگ سے کچھ راحت ملے گی۔
