گرفتار شخص کا نام نظام ہے جو صاحب آباد، غازی آباد اتر پردیش کا رہائشی ہے۔ وہ ان جرائم پیشہ افراد سے رابطے میں تھا جو چوری اور اسنیچنگ کر کے موبائل فروخت کرتے تھے اور یہ چوری شدہ موبائل مہنگے داموں میں فروخت کرتا تھا۔
دراصل، دہلی پولیس کو اطلاع ملی کہ لاک ڈاؤن کے دوران علاقے میں اسنیچنگ جیسے واردات رونما ہو رہے ہیں، دوسری طرف یہ اطلاع ملی تھی کہ یہ موبائل آگے فروخت ہو رہے ہیں، اسی بنا پر پولیس کو مخبر سے ملی اطلاع پر کہ خریدنے والا شخص یہاں آ رہا ہے۔ اس بنیاد پر نظام کو گرفتار کر لیا گیا۔
گرفتار ملزم نظام نے تفتیش میں بتایا کہ وہ تیمور نگر کی کچی آبادی میں رہتا تھا، 16 برس کی عمر میں اس نے شادی بیاہ میں ویٹر کی حیثیت سے کام کرنا شروع کیا تھا۔ ڈرائیونگ سیکھی لیکن جب لائسنس نہیں بنا تو مایوس ہو کر اس نے جرائم کی دنیا میں قدم رکھا۔ جب ملزم نے ڈرائیونگ کا کام شروع کیا تو اس کا بہت سے مجرموں سے رابطہ ہوا جو چوری شدہ موبائل لاتے تھے۔
نظام ان سے چوری شدہ موبائل خرید کر مہنگے داموں پر فروخت کرنے لگا۔ پولیس نے اس کے پاس سے چوری شدہ 143 موبائلز برآمد کر لئے ہیں، ملزم فی الحال پولیس کی تحویل میں ہے اور پولیس یہ جاننے کی کوشش کر رہی ہے کہ موبائل کس کس نے خریدا تھا اور کس جگہ اور کن لوگوں کو فروخت کیا تھا اور اب تک کتنے چوری شدہ فون فروخت ہو چکے ہیں۔
