پی سی آر کے ڈی سی پی شرت کمار سنہا نے بتایا کہ دہلی کے مختلف علاقوں میں گزشتہ 24 گھنٹوں کے دوران پی سی آر ٹیم نے درد سے تڑپنے والی 33 حاملہ خواتین کو قریبی اسپتال میں منتقل کرایا۔
ان اسپتالوں میں سے کچھ کی دوری 16 کلومیٹر تک تھی۔ ان 33 کالزمیں سے 5 کال رات 11 بجے سے صبح 5 بجے کے درمیان پی سی آر کو موصول ہوئی تھی۔
جس کے بعد پی سی آر کی ٹیم حاملہ خواتین کو قریب کے اسپتال لے گئی۔ حاملہ خواتین کو اسپتال لے جانے کے علاوہ، دہلی پولیس کا پی سی آر ضرورت مندوں لوگوں کو راشن بھی فراہم کر رہا ہے۔
پی سی آر کے ڈی سی پی شرت کمار سنہا نے بتایا کہ جنوبی دہلی کے علاقے سے پیر کے دیر رات پی سی آر کو اطلاع ملی کہ فن لینڈ کی رہائشی خاتون درد زہ میں مبتلا تھی، اطلاع ملنے کے بعد پی سی آر کی ٹیم فوراً موقع پرپہنچی اور متاثرہ خاتون کو قطب ادھیوگ کے علاقے سیتا رام ہسپتال پہنچایا گیا۔
ڈی سی پی سیرت کمار سنہا نے مزید بتایا کہ پی سی آر کو آنے والی 33 کالز میں سے سب سے زیادہ 6 کالز جنوبی دہلی کے علاقے سے آئی ہیں۔ اس کے علاوہ 2 باہر شمال دہلی سے ، 3 کالز دوارکا سے، 2 کالز نارتھ زون سے، 3 کالز شاہدرہ سے 2 کال مشرقی ضلع سے حاصل ہوئی تھی۔ جس کے بعد پی سی آر ٹیم حاملہ خواتین کو فوری طور پراسپتال میں داخل کرایا۔
