نئی دہلی: قومی دارالحکومت دہلی کے تقریباً 1800 پرائیویٹ اسکولوں میں نرسری میں داخلے کا عمل Delhi Nursery Schools to Start Admission آج سے شروع ہوگیا اوریہ عمل 7 جنوری تک جاری رہے گا۔ ڈائریکٹوریٹ آف ایجوکیشن نے گزشتہ ماہ داخلہ کے لائحہ عمل اور شیڈول جاری کیا تھا۔
نوٹیفائیڈ شیڈول کے مطابق داخلے کے لیے منتخب بچوں کی پہلی فہرست 4 فروری، دوسری فہرست 21 فروری کو جاری کی جائے گی۔ داخلہ کا عمل 31 مارچ کو ختم ہوگا۔
ڈائریکٹوریٹ کے ایک سینئر اہلکار نے کہا کہ ہر اسکول Delhi Nursery Schools اپنے نوٹس بورڈ اور ویب سائٹ پر داخلہ شیڈول جاری کرے گا۔ اس کے علاوہ ہر اسکول اس بات کو یقینی بنائے گا کہ داخلے کی فارم جمع کرانے کی آخری تاریخ تک تمام درخواست دہندگان کو فارم دستیاب کردیں۔
مزید پڑھیں :
داخلہ رجسٹریشن فیس کے طور پر صرف 25 روپے کی رقم لی جاسکتی ہے۔ والدین کے ذریعہ اسکول کے پراسپیکٹس کی خریداری اختیاری ہوگی۔ اسکولوں سے کہا گیا تھا کہ وہ منگل تک اپنی نشستوں کی تعداد اور داخلے کی معیار کی جانکاری دیں۔
