گزشتہ کئی روز قبل مکھرجی نگر علاقے میں گرامین سیوا چلانے والے سکھ ڈرائیور سربھجیت اور پولیس کے درمیان ہوئے سانحے کے بعد اب دہلی اقلیتی کمیشن نے بھی نوٹس لیتے ہوئے ایک 5 رکنی ٹیم بنانے اور اس پورے معاملے کی تفتیش کرنے کا فیصلہ کیا ہے۔
دہلی اقلیتی کمیشن کے چیئرمین ڈاکٹر ظفرالاسلام خان نے اس پورے سانحے پر کہا کہ جس طرح سے دہلی پولیس کے اہلکاروں نے سربھجیت کے ساتھ برتاؤ کیا ہے وہ انسانیت کے خلاف ہے۔
انہوں نے سربھجیت کو قانونی چارہ جوئی کے لیے وکیل مہیا کرانے کی پیشکش کی ہے۔
ان کا کہنا ہے کہ سربجیت کو اگر کسی بھی طرح کی کوئی بھی قانونی مدد چاہیے تو دہلی اقلیتی کمیشن اس کے لئے تیار ہے۔
انہوں نے بتایا کہ دہلی اقلیتی کمیشن نے ایک پانچ رکنی ٹیم بنانے کا فیصلہ کیا ہے جو اس پورے معاملے کی تفتیش کرکے رپورٹ پیش کرے گی، جس میں پانچ الگ الگ شعبہ کے لوگوں کو شامل کیا جائے گا۔
