نئی دہلی: دہلی میٹرو کے یاتری اسمارٹ کارڈز کو اب ایرٹیل پیمنٹس بینک کے ذریعے ٹاپ اپ ( ری چارج) کیا جاسکے گا۔ دونوں کمپنیوں نے اس سلسلے میں ایک معاہدہ کیا ہے۔اتوار کو جاری ایک سرکاری ریلیز میں کہا گیا ہے کہ دہلی میٹرو اور ایئرٹیل پیمنٹس بینک کی طرف سے یہ نئی پہل ہر ہندوستانی کے لیے ڈیجیٹل لین دین کی سہولت فراہم کراکے ڈیجیٹل انڈیا اور مالیاتی شمولیت کے حکومت کے وژن میں تعاون کرنے پر مرکوز ہے۔ یہ نئی سہولت مسافروں کے لیے بہت آسان ہو گی کیونکہ وہ موبائل فون کی مدد سے اپنے اسمارٹ کارڈ کو ری چارج کرنے کے لیے ایک اور قابل اعتماد آپشن استعمال کر سکیں گے۔
دہلی میٹرو اسمارٹ کارڈ کے صارفین تین آسان مراحل میں اسمارٹ کارڈ کو ری چارج کرسکتے ہیں۔ Airtel Thanks ایپ کے بینک سیکشن میں میٹرو ریچارج آئیکن کو منتخب کریں۔ DMRC اسمارٹ کارڈ نمبر درج کریں، پھر ریچارج کی رقم درج کریں اور ادائیگی کریں۔ استعمال سے پہلے کارڈ کو سنک کرنے کے لیے میٹرو اسٹیشن پر ایڈ ویلیو مشین پر اسمارٹ کارڈ کو تھپتھپائیں۔ حال ہی میں ڈی ایم آر سی نے مسافروں کو قطاروں میں لگنے سے بچنے اور اسٹیشنوں پر وقت بچانے کے لیے اسمارٹ کارڈز/ٹوکن کی آسانی سے فروخت کی سہولت فراہم کرنے کے لیے کئی دیگر اقدامات کیے ہیں۔ اس میں ٹی وی ایم کے ذریعے اسمارٹ کارڈ ٹاپ اپ آپشن، دیگر بینکوں کے ساتھ میٹرو کومبو کارڈ لانچکیا گیا۔ اسٹیشنوں پر کریڈٹ/ڈیبٹ کارڈ کے لین دین کی سہولیات، dmrcsmartcard.com کا استعمال کرتے ہوئے نیٹ بینکنگ، موبائل ای-والیٹس وغیرہ شامل ہیں۔
یو این آئی
