غور طلب ہے کہ ڈی ایم آر سی نے اپنے سفر کے ایک اور حصولیابی سال کے اختتام پر 26 واں یوم تاسیس منایا۔ تاہم، گزشتہ برسوں سے مختلف اس سال کووڈ-19 عالمی وبا کا مقابلہ کرنے کے لیے جاری لاک ڈاؤن کی وجہ سے اس موقع پر رسمی تقریب نہیں منائی جا سکی۔
ڈی ایم آر سی کے منیجنگ ڈائریکٹر ڈاکٹر منگو سنگھ نے اس موقع پر اپنے پیغام میں ملازمین کو مبارکباد دیتے ہوئے کہا کہ ‘اس خاص موقع پر ہم سب کو اس بات کا فخر ہونا چاہئے کہ ایک تنظیم کے طور پر ہم کیا حاصل کر پائے ہیں۔ 360 کلو میٹر لمبائی، 264 اسٹیشنوں اور 12 ڈپوؤں کی وسیع نیٹ ورک کے ساتھ دہلی میٹرو آج دنیا کی سب سے بڑا میٹرو نظام میں سے ایک ہے۔ مارچ مہینے میں خدمات کے ملتوی سے پہلے دہلی میٹرو میں 99 فیصد سے بھی زیادہ نظام الاوقات کے ساتھ، روزانہ ساٹھ لاکھ سے بھی زیادہ لوگ سفر کر رہے تھے’۔
