کورونا وائرس کی وجہ سے تمام ممالک کی حکومتیں پریشانی کا شکار ہیں۔ جس کی وجہ سے بھارت بھی پریشانیوں کا سامنا کر رہا ہے۔ لیکن بھارت میں ہوئے تالا بندی کے سبب کننر سماج کے لوگ کافی پریشانی کا سامنا کر رہے ہیں۔ یہ طبقہ مالی بحران سے گزر رہے ہیں۔
ایسی صورتحال میں ای ٹی وی بھارت نے اس سماج کے لوگوں سے بات چیت کی اور ان کے مسائل کو جانا۔
دہلی کے نانگلوئی میں واقع کراڑی حلقہ میں کچھ کنّر رہتے ہیں۔ جو گزشتہ 21 دنوں سے اپنا جمع شدہ سرمایہ خرچ کرکے گزارہ کر رہے ہیں۔ لیکن اب ان کے پاس کمائی کا کوئی ذریعہ نہیں ہے اس لئے دو وقت کی روٹی کے بھی لالے پڑ گئے ہیں۔
کنّروں کے مطابق دہلی حکومت نے اسکولوں کے ذریعہ غریبوں کے کھانے کا انتظام کیا ہے۔ لیکن جب بھی کننر برادری کے لوگ ان مقامات پر پہنچتے ہیں تو انہیں کچھ عجیب نظروں سے دیکھتے ہیں۔ ساتھ ہی لوگ ان کو نظرانداز کرتے ہیں۔ ایسی صورتحال میں شرم کےمارے یہ کنّر سماج کھانا لینے تک نہیں جا پا رہے ہیں۔
