دہلی ہائی کورٹ رابرٹ واڈرا کے خلاف منی لانڈرنگ کیس میں ای ڈی کی درخواست پر آج سماعت کرے گی

دہلی ہائی کورٹ انفورسمنٹ ڈائریکٹوریٹ کی جانب سے منی لانڈرنگ کیس میں ٹرائل کورٹ کے ذریعہ رابرٹ واڈرا اور منوج اروڑا کی منظور شدہ پیشگی ضمانت منسوخ کرنے کی درخواست پر آج سماعت کرے گی۔

کاروباری شخصیات رابرٹ واڈرا اور منوج اروڑہ کی پیشگی ضمانت ٹرائل کورٹ کی طرف سے منظور کر لی گئی تھی اور انہیں حکم دیا گیا تھا کہ وہ رہائی کے لیے پانچ لاکھ روپے بونڈ اور شیورٹی اماونٹ جمع کراوئیں۔

پیشگی ضمانت منسوخ کرنے کی کوشش کرتے ہوئے، ای ڈی کی نمائندگی کرنے والے ایڈوکیٹ ڈی پی سنگھ نے پہلے کہا تھا کہ ٹرائل کورٹ نے کچھ حقائق پر غور نہیں کیا ہے۔

تحقیقات کرنے والی ایجنسی ای ڈی نے دعوی کیا ہے کہ واڈرا اور اروڑا کی تحقیقات میں مداخلت ہوئی۔ اور اس کے بعد انہوں نے دہلی ہائی کورٹ میں عرضی داخل کی تھی۔

واضح رہے کہ یہ کیس لندن میں مقیم 1.9 ملین پاؤنڈ مالیت کی جائیداد کی خریداری میں منی لانڈرنگ سے متعلق ہے۔

رابرٹ واڈرا پر سنہ 2017 میں ای ڈی کی طرف سے 18 کیسز درج کیے گئے تھے جس میں ان پر الزام ہے کہ انہوں نے اپنی کمپنیوں کے بارے میں جعلی، اور فرضی دعوے کیے ہوئے ہیں۔ رابرٹ واڈرا کانگریس کی عبوری صدر سونیا گاندھی کے داماد اور کانگریس کی جنرل سیکریٹری پرینکا گاندھی کے خاوند ہیں۔