دارالحکومت دہلی میں کورونا وائرس کے قہر نے شدت رخ اختیار کرلیا ہے۔ اس وبا سے یہاں متاثرین کی تعداد 70 ہزار سے تجاوز کرگئی ہے جبکہ اس مہلک مرض سے 2 ہزار 365 لوگ اپنی جان گنوا چکے ہیں۔
دہلی میں کورونا وائرس کے اب تک 70 ہزار 390 کیسز درج کیے گئے ہیں جبکہ ممبئی شہر میں کل 69 ہزار 528 کیسز اب تک سامنے آئے ہیں۔
تفصیلات کے مطابق دہلی میں گزشتہ 24 گھنٹوں کے دوران 3788 نئے معاملے سامنے آئے ہیں اور 64 نئے مریضوں کی موت واقع ہوئی ہے، دہلی میں اب تک 41 ہزار 437 مریض صحتیاب ہوئے ہیں اور 26،588 مریض زیر علاج ہیں جبکہ 14 ہزار 844 افراد ہوم آئسولیشن میں ہیں۔
اگر ممبئی شہر کی بات کی جائے تو یہاں کورونا وائرس کے کل مریضوں کی تعداد 69 ہزار 528 ہے لیکن یہاں اموات کی تعداد دہلی سے زیادہ ہے، صرف ممبئی شہر میں اس وبأ سے ہلاک ہونے والوں کی تعداد 3 ہزار 964 ہے اور دہلی میں 2 ہزار 301 مریضوں کی موت واقع ہوئی ہے۔
