وزیر گوپال رائے نے کہاکہ کیجریوال حکومت پٹاخے نہیں، دیا جلاو مہم کے ذریعہ پٹاخوں کو جلانے سے لوگوں کو روکے گی۔ لوگوں کی دیوالی دیے کے ساتھ منانے کے لئے حوصلہ افزائی کرے گی۔ دہلی پولیس کے تمام 15 اضلاع میں پندرہ مرکزی ٹیمیں بنائی جائیں گی، جن میں تقریباً 157 اراکین ہوں گے۔
پولیس کے ساتھ ساتھ 33 ایس ڈی ایم کی قیادت میں ٹیمیں تشکیل دی گئی ہیں، جو دہلی میں مختلف حصوں میں اس مہم تحت کارروائی کریں گی۔ انہوں نے کہاکہ قواعد کی خلاف ورزی کرنے پر پولیس اور ایس ڈی ایم کی طرف سے آئی پی سے متعلق دفعہ کے تحت کارروائی کی جائے گی۔
یہ بھی پڑھیں: کووی شیلڈ اور کو ویکسین پر پابندی کی عرضی خارج
اس دوران انہوں نے اپیل کی کہ دیوالی پر اخبارات میں شائع ہونے اور ٹی وی پر چلنے کے لئے جو بھی اشتہارات بن رہے ہیں، ان میں دیوالی کی علامت کے طورپر پٹاخے کی جگہ دیئے کا استعمال کریں۔ دہلی کے وزیر ماحولیات نے پریس کانفرنس میں بتایا کہ دہلی میں آلودگی کو روکنے کے لئے دہلی حکومت کی طرف سے جنگی پیمانہ پر آلودگی کے خلاف مہم مکمل زور شور سے چلائی جارہی ہے۔
یو این آئی
