دہلی حکومت کی جانب سے منعقد ہونے والا یہ لیزر شو کناٹ پلیس کے سینٹرل پارک میں شام 6 بجے سے منعقد کیا جائے گا۔ اس شو میں لوگ بغیر کسی ٹکٹ کے اس شو سے لطف اندوز ہو سکتے ہیں۔ اس شو میں لیزر اور لائٹنگ کے ذریعہ سجایا جائے گا۔ آرٹ اور کلچرل پروگرام کے ساتھ ساتھ بازار اور فوڈ کورٹ بھی رہے گا تاکہ کھانے پینے کی دقت نہ رہے۔ یہ ایک ایک گھنٹے کا لیزر شو رہے گا جو 10 بجے تک چلتا رہے گا۔
دہلی کے وزیر اعلی اروند کیجریوال نے دہلی کی عوام سے اپیل کی کہ وہ اپنی پوجا کر کے ہمارے لیزر شو میں آئیں۔ کیجری وال نے کہا کہ دہلی کے لوگ ایک فیملی کے طرح ہیں۔ اوردہلی کے لوگ وہاں پر آکر دیوالی منائیں۔ کیجری وال نے لوگوں سے اپیل کی کہ یہاں آکر لوگ پٹاخوں جلانے کی کوشش نہ کریں۔
اس سے نہ صرف پٹاخہ بازی پر قابو پایا جا سکے گا بلکہ فضائی آلودگی پر قابو پایا جاسکے گا۔
کیجریوال نے بتایا کہ اس مرتبہ ہمیں اگر بہتر رسپانس ملا تو آئندہ برسوں میں بھی اس طرح کے شو کو دہلی کے مختلف علاقوں میں بھی منعقد کیا جائے گا۔
