دہلی: راج گھاٹ ڈپو کے پاس جھاڑیوں میں آتشزدگی

محکمہ فائر کے افسر نے بتایا کہ آج شام کنٹرول روم کو اطلاع ملی تھی کہ راج گھاٹ ڈپو کے پیچھے جھاڑیوں میں آگ لگ گئی ہے۔ موقع پر فوراً دمکل کی چار گاڑیوں کو بھیجا گیا ہے، جو آگ بجھانے میں لگی ہیں۔

دہلی میں راج گھاٹ ڈپو کے پیچھے شام 6 بجے جھاڑیوں میں اچانک آگ بھڑک اٹھی۔ جس کے بعد محکمہ فائر کی 4 گاڑیاں موقع پر پہنچی، خبر لکھے جانے تک آگ بجھانے کا کام جاری تھا۔

محکمہ فائر کے افسر نے بتایا کہ مالیوں کے ذریعہ جھاڑیوں کو کاٹ کر یہاں جمع کیا جاتا ہے جس میں آج شام اچانک آگ لگ گئی۔ ابھی تک آگ لگنے کا سبب نہیں معلوم ہوا ہے، لیکن امکان ہے کہ کسی شرپسند عناصر نے یہ حرکت کی ہے۔

دہلی: راج گھاٹ ڈپو کے پاس جھاڑیوں میں آتشزدگی

انہوں نے مزید بتایا کہ بیشتر آگ بجھا دی گئی ہے، مزید بجھائی جارہی ہے، جس میں ایک گھنٹے کا وقت لگ سکتا ہے۔ انہوں نے بتایا کہ نزدیک میں کوئی پنپنگ اسٹیشن نہ ہونے کے سبب فائر گاڑیوں کو دور سے پانی لانا پڑ رہا ہے۔