دہلی : ایکسپائری ڈیٹ کی کولڈ ڈرنکس کی تقسیم پر ہنگامہ

مشرقی دہلی ساؤتھ زون ای ڈی ایم سی میں ایکسپائری ڈیٹ کی کولڈ ڈرنک دینے کا معاملہ سامنے آنے کے بعد صفائی ملازمین میں تشویش اور ناراضگی پائی جارہی ہے۔ جب صفائی کرنے والے ملازمین کو کولڈ ڈرنکس دی جارہی تھی اسی وقت کچھ صفائی ملازمین نے اس کی جانچ پڑتال کی تو تمام کولڈ ڈرنکس ایکسپائری ڈیٹ کی ملیں۔ اس دوران کولڈ ڈرنکس پینے والے 2 افراد بیمار بھی ہوگئے

جب ملازمین نے ای ڈی ایم سی کے عہدیدار سے بات کی تو انہوں نے بتایا کہ یہ کولڈ ڈرنک محکمہ مرکزی فوڈ سپلائی سے صفائی عملہ کو دینے کے لئے آئی ہیں ۔

ملازم کا کہنا ہے کہ اس وقت کورونا کی وبا چل رہی ہے اور ایسے میں ای ڈی ایم سی کے افسران ایکسپائری ڈیٹ کی کولڈ ڈرنکس پلا کر ان کی جان لینا چاہتے ہیں۔

ماذا کولڈ ڈرنکس کے ایکسپائر ہوئے 4ماہ کا عرصہ گزر چکا ہے۔ ان کا کہنا ہے کہ یہ صفائی ملازمین کی صحت سے کھلواڑ ہے۔اور زمہ داران پر فوڈ پوائزننگ کا مقدمہ ہو سکتا ہے۔

صفائی ملازمین کا کہنا تھا کہ جن افسران نے اس کولڈ ڈرنکس کو تقسیم کیا ہے وہ تعلیم یافتہ تھے، ان کو تواس بات کا علم ہونا چاہیے تھا ،اس کےباوجود انہوں نے ایسی حرکت کی لہذا ان کے خلاف مقدمہ درج کرنا چاہیے۔