دہلی شیلٹر ہومز کی دستیابی کے باوجود بہت سے بے گھر افراد اس سردی میں باہر سونے پر مجبور ہیں، حکومت کی جانب سے فراہم کردہ پناہ گاہوں میں بنیادی سہولیات کا فقدان ہے۔ صفائی ستھرائی کی طرف بھی خاص دھیان نہیں دیا جارہا ہے۔
ایک بے گھر محمد سلیم خان نے کہا کہ ہم فٹ پاتھ پر سونے کو مجبور ہیں کیونکہ شیلٹر ہوم میں کافی گندگی ہے۔ منشیات کے عادی افراد کی بڑی تعداد وہاں رہائش پذیر ہے۔
ایک اور بے گھر ذاکر حسین نے بتایا ، "ہمارے پاس اس سردی کے موسم میں اپنے آپ کو ڈھانپنے کے لئے کمبل بھی نہیں ہے۔ یہاں رات کی پناہ گاہیں زیادہ اچھی نہیں ہیں۔"
بھارتی محکمہ موسمیات (آئی ایم ڈی) کے مطابق دارالحکومت کا کم سے کم اور زیادہ سے زیادہ درجہ حرارت 8 ڈگری سینٹی گریڈ اور 19 ڈگری سینٹی گریڈ رہے گا ۔
اگلے دو دن دہلی میں عام طور پر ہلکی بارش یا بوندا باندی کے ساتھ آسمان ابر آلود رہے گا۔
درجہ حرارت 9 ڈگری سینٹی گریڈ اور 20 ڈگری سینٹی گریڈ کے قریب رہے گا۔
