خاتون کی شناخت گرمیت کور عرف پپو کے طور پر ہوئی ہے۔ گرمیت کور ٹی سی کیمپ رگھو ویر نگر کی رہنے والی ہیں۔
اطلاعات کے مطابق یہ خاتون منشیات فروشی کا کام کرتی تھی۔
انسداد منشیات سیل کے اے ایس آئی چرن سنگھ کو اس خاتون کے بارے میں خفیہ اطلاع موصول ہوئی تھی۔ جسے انہوں نے اپنےسینیئر افسران کے ساتھ مل کر اسے رنگے ہاتھوں گرفتار کرنےکے لیے جال بچھایا۔
جس کے بعد پولیس نے ٹی سی کیمپ روڑ پر جال بچھاکر خاتون کو گرفتار کرلیا۔ خاتون کانسٹبل کے ذریعے تلاشی لینے پر اس کے پاس سے ہیروئن برآمد ہوئی۔
پولیس نے راجوری گارڈن تھانے میں مقدمہ درج کرکے خاتون سے پوچھ گچھ شروع کردی ہے۔پولیس کے مطابق خاتون کے خلاف کئی مقدمات درج ہیں۔
