نئی دہلی ایئرفورس اسٹیشن میں ایک پریس کانفرنس کے دوران سائیکل پولو لیگ کھیل کو ملک میں فروغ دینے کا اعلان کیا گیا۔
سائیکل پولو لیگ کا انعقاد 25 سے 29 نومبر 2019 تک راجستھان کے جے پور پولو کلب میں کیا جائے گا، لیگ میں40 بھارتی کھلاڈی اور 10 بین الاقوامی کھلاڑی حصہ لیں گے، جنھیں 10 کے گروپ میں تقسیم کیا جائے گا اور اس طرح لیگ میں پانچ ٹیمیں شرکت کریں گی۔
سائیکل پولو ایک ٹیم گیم ہے اس لیے اس بات کو یقینی بنایا گیا ہے کہ پانچوں ٹیموں کا معیار برابر ہو۔ ہر میچ کے بعد سات ٹیم کے ٹاپ اسکورر، کو مین آف دی میچ کا ایوارڈ دیا جائے گا، جبکہ فاتح ٹیم کودو لاکھ اور رنر اپ ٹیم کو ایک لاکھ روپے نقد انعام دیا جائےگا ۔
سائیکل پولو فیڈریشن آف انڈیا کے تجربے کارآفسیل کھلاڑیوں کو بھی اعزاز سے نوازا جائے گا۔
واضح رہے کہ اس سے قبل بھی سائیکل پولو میں انڈین ائیر فورس ،آرمی نے ملک کے بہترین کھلاڑیوں کو دفاعی شعبے میں منتخب کرکے مالی تحفظ فراہم کیا ہے ۔
