بھارت میں کورونا وائرس مسلسل بڑھ رہا ہے ، ایک طرف جہاں ڈاکٹر متاثرہ مریضوں کے علاج میں محنت کر رہے ہیں، وہیں حکومت اس وائرس کو پھیلنے سے روکنے میں مصروف ہے۔
دوسری جانب سر گنگا رام ہسپتال میں سینٹر فار چیس سرجری کے چیئرمین ڈاکٹر اروند کمار کا کہنا ہے حالیہ دنوں میں کورونا کا واحد حل بھارت میں سماجی دوری، اور جنتا کرفیو جیسے اقدامات ہی ہیں، دوسرا کوئی حل نہیں ہے ۔
وہیں ای ٹی وی بھارت سے خاص بات چیت میں ڈاکٹر اروند نے کورونا فیز تھری کا ذکر کرتے ہوئے کہا تھا کہ ابھی ہم لوگ فیز تھری میں نہیں پہنچے ہیں۔ اٹلی اور چین جیسی صورت حال سے بچنے کے لئے ہمیں وزیر اعظم نریندر مودی کی طرف سے تجویز کردہ جنتا کرفیو کو اپنانا ہوگا. اسی سے ہماری اور ہمارے ملک کی حفاظت ہو سکتی ہے۔
ڈاکٹر ارووند نے بتایا کہ یہ وائرس بوند بوند سے پھیلتا ہے۔ حالانکہ ابھی تک اس کی کوئی ویکسین تیار نہیں ہوئی ہے. متاثرہ مریضوں کو بچانے کے لئے ڈاکٹر اپنا کام کر رہے ہیں. وقت کی ضرورت ہے کہ جو لوگ ابھی صحت مند ہیں وہ اس کی زد میں نہ آئیں. ضروری ہے کہ سب اپنا خیال رکھیں۔
